Чăваш чĕлхи пуян та илемлĕ, янăравлă та çепĕç, паха та асамлă. Вăл чăваш юрри пек янăравлă та кĕвĕллĕ, унпа чуна ачашлама е амантма, çĕклеме е ÿкерме, хавхалантарма пулать.  Атте-анне чĕлхи - пирĕн тăван чĕлхе. Тăван сăмах, тăван чĕлхе - халăх  чунĕ. Унăн паянхи кунĕ, малашлăхĕ. Унсăрăн халăх çук. Шкулта тăван  чĕлхе –пĕрремĕш предмет.

      Паян, апрелĕн 25-мĕшĕнче, пĕтĕм  Чăваш  çĕршывĕ  чăваш чĕлхи кунне уявлать. Эпир 1992-мĕш çултан  пуçласа  кашни çул  Чăваш наци кунне уявлатпăр.Ăна ахальтен мар  ака уйăхĕн 25-мĕшĕнче ирттерме палăртнă. Çак кун чăваш  çырулăхне  йĕркелекенĕ И. Я. Яковлев çуралнă. Уява хамăр республикăра  кăна мар, аякра пурăнакан чăвашсем те пирен шкулти ачасем те чысласа хатĕрленеççĕ.